Pages

ചില കാര്യങ്ങൾ

സ്നേഹം       

ഇത്തിരി സ്നേഹം തോന്നിയാൽ 
ഒത്തിരി ദേഷ്യം മാഞ്ഞുപോകും 

പേര് 
പേരില്ലാത്തവന്റെ കൂടെയല്ല 
പോരില്ലാത്തവന്റെ കൂടെയല്ലേ 
പെരുമയുള്ള  പേര് കൂട്ടുകൂടൂ

വിശപ്പ്
വിശപ്പുമാത്രമായിരുന്നു 
ഭക്ഷണത്തിനായി തലകുനിച്ചത്

സെൽഫി
ഒരു സെൽഫിയെടുക്കാൻ 
മൊബെയിലിനോടൊപ്പം ഒരുകൈ നീട്ടിപ്പിടിച്ചു


വാക്കുകൾ 

ഉപയോഗിച്ചു പഴകിയ വാക്കുകളാണ് 
തെരുവിൽ പ്രയോഗത്തിൽ ഉള്ളത്
അതിലൊന്നാണ് നിങ്ങൾ കേട്ടത് 

രക്ഷ 

രക്ഷയില്ലാതായപ്പോൾ 
രക്ഷാബന്ധനം ചെയ്ത് 
സോദരരായി വാഴ്ത്താൻ തീരുമാനിച്ചു 
അതിൽപിന്നെ അയാളുടെ കണ്ണുകൾ 
കീറിപോയ എന്റെ ആകാശത്തിനു കൂട്ടായി

 ഇരട്ടപ്പേര് 

ശരിക്കുള്ള എന്റെപേര് 
ആരും വിളിക്കാറില്ല
പലരും പറയുന്നത് 
ഇരട്ടപ്പേരെന്ന് സുഹൃത്തുക്കൾ
സൗഹൃദങ്ങൾ പലപ്പോഴും
സ്വകാര്യതയെ നോവിക്കും


അമ്മ 

ആർക്കും 
ഒരമ്മയുണ്ടാകും 
അവർക്ക് 
കാണാതായ മകനും 
ആത്മഹത്യചെയ്ത കുഞ്ഞും 
പീഡിപ്പിക്കപ്പെട്ട മകളും
കാണാൻ ദുഃസ്വപ്നങ്ങളും 
നിങ്ങൾക്ക് പറയാൻ 
ഒരുപാട് ന്യായങ്ങളും.