Pages

ഇടനെഞ്ചിലെത്തുന്ന നൊമ്പരം

ടനെഞ്ചിലെത്തുന്ന നൊമ്പരം
 ****************

ഇടനെഞ്ചിലേക്കൊരു 
തീ വന്നുവീഴുമ്പോൾ 
ഇത്തിരി വെള്ളം നൽകണം  നീ 

പ്രണയമേ പറയാതെൻ 
അരികിലുണ്ടാകണം
വെറുതേതോന്നുമീ ആഗ്രഹങ്ങൾ 

പറയുവാനല്പം 
പഴങ്കഥ കരുതണം 
കേൾക്കുമ്പോളനുഭൂതി 
നിറയുമെന്നിൽ 

ഇതൾവീണ പൂവിന്റെ 
ഓർമ്മപോൽ പടരണം 
നറുമണമെന്റെ സിരകളിൽനീ 

പിന്നിട്ട വഴികളിൽ   
പതിഞ്ഞ കാല്പാടുകൾ 
ഓരോന്നു മോർത്തോർത്തെടുക്കണം

നിന്റെ നിശ്വാസങ്ങളെൻ
ശ്വാസമായ്  തീരണം 
എന്നിലേയ്ക്കൊഴുകി നിറയണം 

പതറാതെ നില്ക്കണം 
കണ്ണീർ വീഴാതെ നോക്കണം നീ 
ചിരിയ്ക്കുന്ന മുഖമായിരിയ്ക്കണം
അധരമെൻ ചുണ്ടിലമർത്തണം
പ്രണയമധുരം പകർന്നു നല്കണം

അടയുമെൻ കണ്ണിൽ 
നിൻമുഖം തങ്ങണം 
പിരിയുന്നതെന്നേയ്ക്കുമല്ലേ

ഇടനെഞ്ചിലെത്തുന്ന നൊമ്പരം 
പ്രണയമേ, നിന്നെ 
അകലുന്ന വേദനയല്ലേ  
 .....       ... .....   

1 comment:

ajith said...

ഇടനെഞ്ചിലെ ചില തുടിതാളങ്ങള്‍!