Pages

ഓര്‍മ്മ പ്പെടുത്തല്‍

ഓര്‍മ്മ പ്പെടുത്തല്‍

മിന്നാമിനിങ്ങിന്റെ വെളിച്ചത്തില്‍
ഇരുട്ടുമൂടിയ ഉള്‍ക്കാടുകളിൽ 
പകൽ കടന്നു ചെല്ലുമ്പോൾ
പേടിച്ചു മിടിയ്ക്കുന്നു  ഹൃദയം

ഉഗ്ര വിഷ സർ പ്പങ്ങളുണ്ട്
ഇലകള്‍ക്കിടയില്‍
ഓരോചുവടും പതുക്ക പതുക്കെ.

കറുത്തിരുണ്ടു മുന്നില്‍
വഴിതടഞ്ഞു നില്‍ക്കുന്നത്
മിന്നിമറയുന്ന മിന്നല്‍ പിണരുകള്‍
ഉള്‍ക്കണ്ണിലോട്ടു കുത്തിയിറക്കുന്നു.

രാത്രിയെത്തുന്നതും കാത്ത്
താളം നിലപ്പിയ്ക്കാന്‍
മഴതുള്ളികള്‍ക്കായില്ല
ഒരു നീണ്ട യാത്രയിലെന്നപോലെ
ശാന്തമായൊഴുകുന്ന കാട്ടരുവി

രക്ത മൂറ്റി ക്കുടിയ്ക്കുന്ന അട്ടകള്‍
കാല്‍ മുട്ടുകള്‍ വരെ എത്തുന്നു
മുന്നോട്ടിനിയെന്തു ദൂരം അറിയില്ല

ശക്തമാണ് കൊടുങ്കാറ്റിന്‍റെ
ചലനങ്ങള്‍ , ഹൃദയം ഓര്‍മ്മപ്പെടുത്തുന്നു.
ആത്മാവ് കുളിര്‍കാറ്റിലലിയുന്നു
ധ്യാന മുഹൂര്‍ത്തങ്ങള്‍ പേടിപ്പെടുത്തുന്നു.

ഇരുളും വെളിച്ചവും തിരിച്ചറിയാതെ
ഇരുകൈയ്യും കൊണ്ടു പൊത്തട്ടെ കണ്ണുകള്‍
മുന്നില്‍ ഹസ്തമോ പിന്നില്‍ കരടിയോ
ഹൃദയം തുളുമ്പി തൂകുന്നു
ജീവന്റെ നിര്‍മ്മല സംഗീതം.

................... വിശ്വം.

1 comment:

s'kumar said...

ഉഗ്ര വിഷ സര്പ്പങ്ങളുണ്ട്
ധ്യാന മുഹൂര്‍ത്തങ്ങള്‍ പേടിപ്പെടുത്തുന്നു.
ജീവന്റെ നിര്‍മ്മല സംഗീതം.
...nalla vaayanaasukham.