കാലം കൂട്ടിചേര്‍ത്ത ചങ്ങാതിമാര്‍ക്ക്
പൊടിഞ്ഞ
മേല്‍വിലാസ പുസ്തകത്തില്‍
മങ്ങി മറന്നിരുന്നു ചങ്ങാതിമാർ
ഇന്നലെ
ഓരോരുത്തരായി
പൊടി തട്ടി പുറത്തിങ്ങി
പല തലകളും
നരച്ചിരിയ്ക്കുന്നു
വിദഗ്ദര്രുടെ തല
കറുപ്പില്‍ മുക്കിയെടുത്തവ.
യാത്രപറയാതെ പോയ
രണ്ടുപേര്‍ ഹൃദയത്തിൽ
ഓർമ്മക്കനലുകള്‍
കോരിയിട്ടു .
ഡ്രായിംഗ് ഹാളില്‍,
വര്‍ക്ക് ഷോപ്പിലെ ഡി..സി.മെഷീനില്‍
കറങ്ങികൊണ്ടിരുന്ന 'ലേത്തി' ല്‍
ആവി പറക്കുന്ന ഫൌണ്ടറിയില്‍
നഷ്ടപ്പെട്ട കണ്ണീർ അളന്ന
വെഞ്ചുറി മീറ്ററില്‍
ബാലന്‍ സാറിന്റെ ക്ലാസ്സില്‍
ഓരോരോ അടവുകളുമായി
വീണ്ടും എല്ലാവരും
നിരന്നിരുന്നു
നിശബ്ദമായി
പരീക്ഷാ ഹാളിലായിരുന്നു
അവസാനം ഒന്നിച്ചത്
പരീക്ഷ ഫലത്തിൽ
എല്ലാ പേരുകളും
ഒന്നി ച്ച് എഴുതപ്പെട്ടു
കാറ്റിനൊപ്പം പറന്ന്
മുളപ്പൊട്ടിയ പുതുനാമ്പുകളുമായി
ഒരു ഓര്മ്മപ്പൊക്കത്തില്‍
ഒന്നിയ്ക്കുമ്പോള്‍
എല്ലാ നാവിലും
ചോറ്റുപാത്രത്തിലെ
അതേ ഉച്ച രുചി
നോക്കിയാല്‍ കാണാവുന്നത്ര
ദൂരമേ ഇനി ഈ യാത്രയില്‍
ബാക്കിയുണ്ടാവൂ
കൈചൂണ്ടി
തോളില്‍ തട്ടി
ഉറക്കെ കൂവി
മൊബയിലൂടെ
ഇ- മെയിലിലൂടെ
സോഷ്യല്‍ നെറ്റ്വർക്കിലൂടെ
ഇനിയും ഈ യാത്ര
മു ന്നോ ട്ട്.
........... വിശ്വം.
