നക്ഷത്രമൊട്ടുകൾ
------------------------
നക്ഷത്രചിന്തയിൽ അത്താഴമുണ്ണാതെ
ആകാശ വീഥികൾ തിരഞ്ഞ രാവിൽ
പൊട്ടുന്നനേകം പ്രകാശ പുഷ്പങ്ങൾ
പൊന്മുത്തുകൾ തുന്നിയ കമ്പളത്തിൽ
സത്യപ്രഭാവത്തിൽ ഒത്തുല്ലസിയ്ക്കുന്നല്ലോ
ബോധതന്തുക്കളാൽ ചുറ്റുന്ന സൂര്യന്മാർ
വ്യത്യസ്ത രാശികൾ വർഷിച്ചൊരാനന്ദം
ചിത്തേനിറഞ്ഞതും താരഗണങ്ങളായ്
നിറവിന്യാസത്താൽ മായും മഹാശില
കരതീർത്ത വിണ്ണിൻ വിദൂര ദൃശ്യം
അതിരു മായിച്ച് കളിച്ചു ശയിയ്ക്കുന്ന
സാഗരം ഭൂമിതൻ ശ്വാസകോശം
നക്ഷത്രമെന്തേ അകന്നു നിൽക്കുന്നു
സത്യപ്രകാശം മനസ്സിൽ പരത്താതെ
മൃത്യുവിൻ ദൃഷ്ടിയുമായൊരുരാത്രി
കാട്ടുന്നനന്തത വിസൃത ഗഗനത്തിൻ
അതിരുകളില്ലല്ലോ ബ്രഹ്മാണ്ഡമേ
വിസ്മയം, വിശാലം മനചര്യയും
നക്ഷത്ര ലോകമേ നിനക്ക് നൽകാൻ
മൊട്ടായ് വിടരുന്നീകണ്‍കൾ രണ്ടും
..... വിശ്വം .
