Pages

വേര്‍പിരിയല്‍

വേര്‍പിരിയല്‍

ഇനി നാം കണ്ടു മുട്ടുമ്പോള്‍
ഉറുമ്പെരിയ്ക്കാതെ
തണുത്തുതണുത്ത് 
ഒരു പെട്ടിയ്ക്കുള്ളില്‍
നിനക്കുവേണ്ടി മാത്രം
ഞാന്‍
കാത്തുകിടക്കുകയാകാം



അന്ന് നിനക്ക്
ഓർത്തെടുക്കുവാന്‍
നഷ്ടപ്പെടുത്തിയ
നിമിഷങ്ങള്‍ ബാക്കിയാകും

നിന്റെ അകകണ്ണു തേങ്ങുന്നതും
മുഖം വിങ്ങി നില്‍ക്കുന്നതും
ചുറ്റും കൂടിനില്ക്കുന്നവര്‍
വായിക്കും 


ശരീരം
തണുത്തു മരവിച്ച്
നിനക്കുവേണ്ടി കാത്തുകിടക്കുന്നത്
ചെയ്തുതീര്‍ക്കാനുളള
നിന്റ അവസാനത്തെ
കർമ്മങ്ങൾക്ക്


നീ അപ്പോൾ 
എന്റെ അസമയത്തുള്ള
വിയോഗത്തില്‍
നിരാശപ്പെട്ട്
കരഞ്ഞു  നില്ക്കും 


ഇപ്പോള്‍ 
വേർപിരിയുന്നത് 
ഞാന്‍ ഞാനായും
നീ നീയായും
നിലനില്‍ക്കാന്‍ വേണ്ടി
   ....  

No comments: