Pages

കാള്‍ സെന്‍റര്‍

കാള്‍ സെന്‍റര്‍


രാത്രി
നീണ്ടു നീണ്ടില്ലാതായതും
പകല്‍
ഉറങ്ങിയുറങ്ങി പാഴായതും
കാള്‍ സെന്‍റെറിന്റെ
കണക്കില്‍
എഴുതപ്പെടാതെ പോകുന്നു.

നിരന്തരം എത്തുന്ന
ഇ-മെയില്‍ സന്ദേശങ്ങള്‍
എസ്.എം.എസ്.കള്‍
തിരഞ്ഞുതിരഞ്ഞു തള്ളവിരല്‍
അവധിയെടുത്തുകൂടെയെന്നു്
തലച്ചോര്‍

ഇന്നുകൂടി ഉറക്കളച്ചാല്‍
ഈ വര്‍ഷത്തെ പാക്കേജ്  കഴിയും
വൈകിയെത്തിയ പിക്കപ്പ് കാറില്‍
സ്ഥിരം റൂട്ടിലൂടെ പായുമ്പോള്‍
പിന്നില്‍ നിന്നെത്തിയ ടാങ്കര്‍ ലോറി
തകർത്തത് .. .. ..

തകരക്കൂട്ടങ്ങള്‍ പൊളിച്ച്
പുറത്തെടുത്തത്
നഷ്ടപ്പെട്ട ജന്മത്തിന്റെ
പാക്കേജു്

ഉറങ്ങാൻവേണ്ടി
ഒരു നീണ്ട രാത്രി!
........................

No comments: